«Сыбайлас жемқорлыққа қарсы іс-қимыл туралы» Қазақстан Республикасы Заңының 9-бабының талаптарына сәйкес:
- мектептің қажеттілігі үшін (қағаз, органайзер, кеңсе тауарлары, жуғыш заттар, су, картриджді толтыру, бөлме гүлдері және т.б.);
- сынып жетекші мен пән мұғалімдеріне, мектеп әкімшілігіне, мерекелерде (Мұғалімдер күні, Халықаралық әйелдер күні, мектеп бітіруге байланысты және т.б.) сыйлық беру (гүл, сувенирлер) үшін;
- сыныптастар арасында мерекелерде ұлдарға, қыздарға деп сыйлық беру үшін;
- мәдени орындар (театр, музей т.б.) мен ойын-сауық (кино, би кеші т.б.) орталықтарына, экскурсияға бару үшін;
- интеллектуалды сайыс, олимпиада т.б. іс-шараларға қатысу үшін;
- 4, 9, 11- сынып ата-аналарының мектеп бітіруге қатысты шараларды өткізу үшін ЗАҢСЫЗ АҚША ЖИНАУҒА ҚАТАҢ ТЫЙЫМ САЛЫНАДЫ!
Ақша қаражатын жинау фактілері анықталған жағдайда №27 мектеп-лицейінің директоры К. С. Байсалбаевтың телефонына хабарласуыңызды сұраймыз.
Ұялы телефон: 87770402901 (ватсап), 87022653985.
БҮГІН ЕЛОРДАДА ЖАҢА ОҚУ ЖЫЛЫ «ӘДІЛДІККЕ ҮНДЕГЕН ҚОЖА АХМЕТ ЯСАУИ» ТАҚЫРЫБЫНДА АДАЛДЫҚ САҒАТЫМЕН БАСТАЛДЫ
Бүгін Білім және ғылым министрлігінің қолдауымен Сыбайлас жемқорлыққа қарсы іс-қимыл агенттігінің бастамасымен Білім күніне орай Нұр-Сұлтан қаласының барлық оқу орындарында бірыңғай онлайн жалпы республикалық «Адалдық сағаты» өтуде.
Іс-шараның негізгі мақсаты – өскелең ұрпақтың бойына сыбайлас жемқорлыққа қарсы мәдениетті қалыптастыру және адалдық, әділдік, парасаттылық және сенім сынды маңызды адамгершілік құндылықтарды дамыту.
Онлайн-дәріс Тұран даласының ХІІ ғасырдағы ұлы ойшылы Қожа Ахмет Ясауидың адалдық қағидаларын түсіндіруге арналған.
Түркі әлемінің дамуындағы Ясауи рөлі сөзсіз, оның мұрасы түркі мемлекеттері арасындағы достық қарым-қатынастардың қалыптасуында үлкен рөл атқарды.
Ұлт көшбасшысы Н.Ә.Назарбаев «Қожа Ахмет Ясауи Орталық Азиядағы оның ішінде Қазақстанда да, барлық түркі халықтарының ұлттық рухани ілім жүйесін өрнектеп берді» деп атап өткен.
Бейне-дәрістерде оқушылар мен студенттер «ақыл кітабы» – «Диуани-Хикметте» жинақталған адалдық, әділдік, парасаттылық, қарапайымдылық пен мейірімділік сияқты адами құндылықтарға шақыратын ұлы ойшылдың сөздерімен танысады.
Адалдық — адам бойындағы басты қасиеттердің бірі, адамгершіліктің маңызды талаптарының бірін көрсететін моральдық сапа. Оған шыншылдық, ар-ождан, адалдық, қабылданған міндеттемелерге адалдық, мәселенің дұрыстығына субъективті сену, адамның басқарылатын себептеріне байланысты, өзгелер мен өзіне деген шынайылық.
Ақпарат және қоғамдық даму министрлігінің қолдауымен бейне-сабақ республикалық және өңірлік телеарналар эфирінде көрсетіліп, сондай-ақ Агенттіктің Youtube-арнасында және әлеуметтік желілерде орналастырылды.
