«Ахмет Байтұрсынұлы тағылымы» атты Тілдер апталығының қорытындысы

 «Ахмет Байтұрсынұлы тағылымы» атты Тілдер мерекесіне орай іс-шараның есебі

         Жылдағы дәстүрге сай мектебімізде 5-30 қыркүйек аралығында «Ахмет Байтұрсынұлы тағылымы» атты Тілдер апталығы өткізілді.

         Іс-шараның негізгі мақсаты: оқушыларды шығармашылыққа баулу, туған тіліміздің қадірін ұғындыру, ұлт ұстазы Ахмет Байтұрсынұлының тарихи бейнесін көрсетіп, оқушыларға таныстыру. Осы мақсатта арнайы жоспар құрылып, барлық іс-шаралар өз деңгейінде өткізілді.

         Ахмет Байтұрсынұлының 150 жылдық мерейтойы қарсаңында “Ахмет Байтұрсынұлы тағылымы” атты тілдер мерекесінің ашылу салтанаты қазақ тілі мұғалімдері Байгунусова В.М. Копеева Л.Г. Абенова М.С.ұйымдастыруымен аталып өтті.

         Орта буын оқушылары арасында өткен «Көркем сөз – көңіл тілі» Ахмет Байтұрсынұлы шығармалары бойынша мәнерлеп оқу сайысында оқушылар өлеңді мәнерлеп, нақышына келтіре оқыды.  Бұл іс-шараны ұйымдастырушы мұғалімдер: Туралина Н.Ж., Бибатырова Қ.Б.

         Қазақ тілі мұғалімдері Қошан А.С., Жансейітова Г.А., Каратаева З.К.ұйымдастыруымен, бастауыш буында яғни 3-сыныптар арасында «Сурет - сөзсіз өлең» тақырыбында ақынның мысал өлеңдерінен фотоколлаж дайындап, оқушылар өздерінің салған суреттерінен көрме ұйымдастырды.

         Сонымен қатар, 4-сынып оқушылары «Ахмет Байтұрсынұлы- қазақтың рухани көсемі» тақырыбында мысал өлеңдерінен көрініс қойды. Мысалды сахналық қойылым етіп дайындауда оқушылар өздерін шығармашылықпен жұмыс істей білу қабілеттерінің жоғары екендігін көрсетті. Жауапты мұғалімдер: Курмангалиева К.О., Валиева Ж.Н.

         Қазақ тілі мұғалімдері Жанабаева Д.М., Макаева М.Г. ұйымдастыруымен мектеп оқушылары арасында «Ахмет Байтұрсынұлының құнды мұраларын оқушыларға үш тілде жеткізуді мақсат ете отырып өткізілген конференция өте жоғары деңгейде өтті.

       Оқушыларға ұлы тұлғаның өлеңдері мен аудармаларындағы тәрбиелік мәнін ұғындыру мақсатында, орта буын сыныптарының арасында «Ахмет Байтұрсынұлы – ұлттың ұлы ұстазы», «Тілім менің – тірлігімнің айғағы» атты зияткерлік сайыстары өткізілді. Бұл сайыста оқушылар әр тақырыпта дайындалған сұрақтарға жаңылмай жауап беру арқылы өз білімдерін жоғары деңгейде көрсетті. Жауапты мұғалімдер: Жумагалиева А.Л. Каратаева З.К. Бакакова А.К. Елімізде болып жатқан «Ұлт ұстазы» атты көркем фильм негізінде Егимбаева А.Е. мен Сердалы Т.О. ұйымдастыруымен эсселер байқауы өткізілді. Эссе құрылымына сай негізгі мақсаты кино негізінде ақынның бейнесін оқушылар көрсете білді.

          Орта буында орыс тілі мұғалімдері Оспанова Майра Булатовна мен Муртазина Бахыт Ашимовнаның ұйымдастыруымен «Если дружат люди - дружат языки» тақырыбында сынып сағаты өтті. Сонымен қатар, орыс тілі мұғалімі Сулейменова Ж.К. ұйымдастыруымен «Тілдер бірлігі - Қазақстан халқының бірлігі» тақырыбында өткен суреттер сайысы да оқушылардың қызығушылығын арттыра түсті.
         Оқушыларға ұлы тұлғаның шығармашылық бейнесін таныстыру мақсатында, барлық сыныптарда  «Дәуірдің жарық жұлдызы – Ахмет Байтұрсынұлы», «Тіл білімінің атасы» тақырыбында сынып сағаттары өткізілді. Барлық сынып жетекшілер сынып сағатын жақсы деңгейде өткізді.

          Білім беру саласына өлшеусіз үлес қосқан Ахмет Байтұрсынұлына арналған іс-шара жоғары деңгейде өтті. Іс-шараларға белсене қатысқан оқушылар әр байқау соңында жүлделі орындармен марапатталды.

 Ұлттық сөзді ардақтаған, оны ғылымға енгізген ұстазымыздың есімі әрқашан ел есінде болмақ. Қорытындылай келе, бірлестік жетекшілері Сердалы Т.О. мен Сулейменова Ж.К. ұйымдастыруымен бекітілген жоспар негізінде өткізілген  іс-шаралар өз деңгейінде өткізілді деп есептеймін.

 Және де, мектеп әкімшілігі ұйымдастырушы ұстаздарға және іс – шараларға белсене қатысқан оқушыларға алғыс білдіреді.


«Ахмет Байтұрсынұлы тағылымы» атты Тілдер апталығының қорытындысы слайд