22–26 желтоқсан аралығында Астана қаласы әкімдігі
Қасым Қайсенов атындағы №27 мектеп-лицейінде
«Жақсылық – сен бар жерде!» атты Психология апталығы өтті.
Апта аясында оқушылардың эмоционалдық сауаттылығын арттыруға, шығармашылық қабілеттерін дамытуға және жағымды психологиялық ахуал қалыптастыруға бағытталған түрлі іс-шаралар ұйымдастырылды. Флешмобтар, нейроойындар, сынып сағаттары, шығармашылық байқаулар мен белсенді ойындар үлкен қызығушылық тудырды.
Оқушылар, педагогтар және ата-аналар белсенді қатысып, апта жылы эмоцияға, достық атмосфераға және шығармашылыққа толы өтті. Психология апталығының қорытындысы бойынша ең белсенді қатысушылар марапатталды.
