Қалалық оқыту семинары – сапалы талдау, сапалы білім кепілі! 🎓
2025 жылдың 17 қазан күні Астана қаласы әкімдігінің «Әдістемелік орталық» МКҚК ұйымдастыруымен Қасым Қайсенов атындағы №27 мектеп-лицейінде қала мектептерінің оқу ісі және бейіндік оқыту жөніндегі орынбасарларына арналған «Мектептің оқу-тәрбие жұмысына талдау жазу жөніндегі әдістемелік ұсынымдар. Жазу алгоритмі» тақырыбында қалалық оқыту семинары өтті.
Семинардың басты мақсаты — мектептің оқу-тәрбие жұмысына талдау жасаудың маңыздылығын айқындау, оны жазудағы инновациялық құралдарды қолдану, және директордың орынбасарларымен тәжірибе алмасу болды.
👩🏫 Мектеп директоры Абуова Меруерт Абитаевна модератор ретінде семинарды ашып, сапалы білім берудегі ең маңызды бағыттардың бірі – мектеп қызметіне терең әрі сапалы талдау жасау екенін атап өтті.
💡 Семинар барысында мектеп психологтары Исабаева К.Т. мен Стрельченко М.Л. қатысушылармен ой сергітетін қызықты жаттығулар өткізіп, көтеріңкі көңіл-күй сыйлады.
🔹 Одан әрі мектеп директорларының орынбасарлары жетекшілігімен қатысушылар топтарға бөлініп, ЖИ (жасанды интеллект), цифрлық платформалар және инновациялық технологияларды пайдалана отырып, мектептің оқу-тәрбие жұмысына жан-жақты талдау жүргізді.
Семинар мазмұнды да әсерлі өтті. Әрбір қатысушы өз тәжірибесін байытып, құнды идеялар мен әдістемелік тәсілдерді өз жұмысына енгізуге ниет білдірді.
🌟 Бірлесе даму – сапалы білімнің кепілі!
